Ayurveda വീട്ടിലെ അത്ഭുത ഔഷധസസ്യം.തുളസിയുടെ ഔഷധ ഗുണം Medicinal plant Basil

തുളസിയെപ്പറ്റി എല്ലാം അറിയൂ Tulsi (Basil )

അവിശ്വസനീയമായ ഔഷധ ഗുണങ്ങളുള്ള ഒരു സസ്യമാണ് നമ്മുടെയൊക്കെ വീട്ടു മുറ്റത്തും തൊടിയിലും വളരുന്ന തുളസിച്ചെടി . ഇതുകൊണ്ടു നമുക്ക് ഒരുപാട് പ്രയോജനങ്ങൾ ഉണ്ട് .

തുളസി എത്ര തരം ?How many types?

തുളസി രണ്ടു തരമാണ് കാണപ്പെടുന്നത് . രാമ തുളസിയും കൃഷ്ണ തുളസിയും. ഇരുണ്ട നിറം ഒരൽപം കൂടിയതാണ് കൃഷ്ണതുളസി . ഇതിനാണ് ഔഷധ ഗുണം കൂടുതൽ ഉള്ളത് .

തുളസിയുടെ ശാസ്ത്രീയ നാമം എന്ത് ?

ഒസിമം ടെന്യുയിഫ്ളോറം എന്ന ശാസ്ത്രീയ നാമത്തോട് കൂടിയതും ഒസിമം സാങ്റ്റം എന്ന് പരക്കെ അറിയപ്പെടുന്നതുമായ സസ്യമാണ് തുളസി . രാജകീയമായ എന്ന അർത്ഥത്തിൽ ഇംഗ്ലീഷിൽ ബേസിൽ എന്നോ ഹോളി ബേസിൽ എന്നോ ഇതിനെ വിളിക്കാറുണ്ട് .

തുളസി എന്ന വാക്കിന്റെ അർഥം എന്താണ് ? Meaning of Tulasi

തുലനം ഇല്ലാത്തത് , അതുല്യം, സാമ്യം ഇല്ലാത്തത്.

മറ്റ് പേരുകൾ എന്തൊക്കെയാണ് ?

ദേവ ദുന്ദുഭി, ഗൗരി, സുരസ, സുലഭ, ഭൂതഘ്നി എന്നീ പേരുകളിൽ അറിയപ്പെടുന്ന തുളസിയെ നീറ്റ് പച്ച എന്നാണു മലയാളത്തിൽ വിളിക്കുന്നത് .

തുളസിയിൽ എന്തൊക്കെ അടങ്ങിയിട്ടുണ്ട് ? Contents in Tulsi

ബേസിൽ കാംഫർ എന്ന എസ്സെൻസ് .

യൂജിനോൾ എന്ന ഘടകം .

തുളസി ഏതൊക്കെ രോഗങ്ങൾക്ക് ഔഷധമാണ് ?

ചർമ രോഗങ്ങൾ, ചിലന്തി വിഷം , കൃമി രോഗങ്ങൾ, ജലദോഷം, ജ്വരം, അരുചി, തൊണ്ട വേദന തുടങ്ങിയ രോഗങ്ങൾക്ക് മരുന്നായി ഉപയോഗിക്കാറുണ്ട് .

ഉപയോഗിക്കുന്നതെങ്ങനെ ? Usage of Tulsi

v തുളസിയും മഞ്ഞളും ചേർത്ത് ചിലന്തി വിഷത്തിനു പുരട്ടുന്നു .

v തുളസിപ്പൂ ഇട്ട് എണ്ണ കാച്ചി തലയിൽ പുരട്ടുന്നത് സൈനസൈറ്റിസിന് ഗുണം ചെയ്യും .

v തുളസിപ്പൂ നീരും തേനും ചേർത്ത് കഴിക്കുന്നത് ചുമയ്ക്ക്‌ ആശ്വാസം നൽകും.

v ചുമന്ന തുളസിനീരും ഇഞ്ചിയും ചേർത്ത് കഴിക്കുന്നത് കഫക്കെട്ടിനു നല്ലതാണ് .

v രക്‌ത ശുദ്ധിക്കും രക്ത ജന്യ രോഗങ്ങൾ ഒഴിവാക്കാനും തുളസി നല്ലതാണ്.

v യൂജിനോൾ എന്ന ഘടകം ഹൃദയത്തിന്റെ ആരോഗ്യത്തിനു നല്ലതാണ്.

ആയുർവേദത്തിൽ തുളസിയുടെ പരാമർശം . Reference in Ayurveda

ആയുർവേദ ആചാര്യനായ ചരകൻ അദ്ദേഹത്തിന്റെ ചരക സംഹിതയിൽ തുളസിയെപ്പറ്റി പരാമർശിച്ചിട്ടുണ്ട്.

ഒരു പ്രധാനപ്പെട്ട അറിവ് .

· തുളസിയില ഇട്ടു തിളപ്പിച്ച വെള്ളത്തിന്റെ ആവി പിടിക്കുന്നത് ജലദോഷം കുറയാൻ നല്ലതാണ്.

· തുളസിയിലയും ഒരൽപം ചുക്കും കുരുമുളകും പിന്നെ കുറച്ചു കരിപ്പെട്ടിയും ചേർത്ത് തിളപ്പിച്ച് കുടിക്കുന്നത് പനിയും ജ്വരവും മാറാൻ നല്ലതാണ്.

· ദിവസവും ഒരു തുളസിയില കഴിക്കുന്നതും നല്ലതാണ്.

പ്രത്യേക പരാമർശം.

എന്നാൽ; ഗർഭിണികൾ, പ്രമേഹത്തിനു മരുന്ന് കഴിക്കുന്നവർ, രക്ത സംബന്ധമായ അസുഖങ്ങൾക്ക് അലോപ്പതി മരുന്ന് കഴിക്കുന്നവർ എന്നിവരൊക്കെ തുളസിയുടെ ഉപയോഗം ഡോക്ടറുടെ അറിവോടെ മാത്രം തുടരുന്നതാണ് നല്ലത് .

*ആദ്ധ്യാത്മികമായ പ്രാധാന്യം. Devotional and spiritual importance.***

ഭാരതീയ സംസ്കാരത്തിൽ തുളസിക്ക് ഹിന്ദു മതത്തിൽ വളരെ പ്രാധാന്യം കൽപ്പിച്ചു വരുന്നു. തുളസിയെ ദേവതയായിക്കണ്ട് ആരാധിച്ചു വരുന്നു . ഓരോ വീടുകളിലും തുളസിച്ചെടി നടുകയും തുളസിത്തറ കെട്ടുകയും അതിനെ പവിത്രമായി സംരക്ഷിക്കുകയും ചെയ്തു പോരുന്നു.

വിശ്വാസം .

രാത്രിയിൽ തുളസിച്ചെടിയിൽ നിന്നും ഇലകൾ പരിക്കെരുതെന്നാണ് പരക്കെ വിശ്വാസം. രാത്രിയിൽ ചെടികൾ കാർബൺ ഡൈ ഓക്സൈഡ് കൂടുതലായി പുറത്തു വിടുന്നതിനാൽ ആകാം ഈ വിശ്വാസം എന്ന് കരുതാം.